Noc Noc

营业中

休息中

今日放假同男朋友去咗大埔行街，佢帶咗我去一間好有格調，氣氛好浪漫嘅洒吧餐廳，地址係大埔舊墟直街28號，NOC NOC 餐廳酒吧。餐廳門口非常吸引我，因為自己好喜歡去洒吧坐下，而且呢度仲可以食西餐飲少少酒。入都鋪頭都坐得好舒服，而且仲好有氣氛墨西哥乾辣椒雞肉意粉 118 元雞肉嫩滑多汁，香口又惹味，個醬汁做得好出色，味道好特別，好好味，而且賣相一流，打卡必點！意粉軟硬適中，加上雞肉一齊食好有口感，味道偏辣，我最鍾意，份量都算多，真好食。美國安格斯肉眼扒配薯菜 12 安士 298 元牛扒份量十足，一上檯已經聞到好香牛肉味，肉質柔嫩多汁，完全將牛肉肉汁鎖住，牛肉味香濃，牛扒真係煎到好好食。加埋少少醬汁一齊食，味道層次更加豐富。Castle torte merlot 68 元 食牛扒一定要飲返杯紅酒，紅酒有少少果味，味道比較易入口，啱晒我啲女士。估唔到大埔有間咁浪漫，而且味道又好好食嘅西餐廳，下次再過嚟大埔一定會試多次。