L'AMOUR (已易手) 新餐厅

蘭桂坊除咗飲酒，都隱藏咗好多美食，呢間浪漫嘅法國餐廳真係好啱打卡，佢有多款好有創意嘅菜式，太多想試。佢lunch set都幾抵，最平人均百幾蚊就有，我哋就豪少少叫咗個4 courses嘅lunch set，有前菜、湯、主食同甜品，仲可以加嘢飲或者酒🥰前菜有幾款都好特別，我哋叫咗海膽多士同埋鵝肝撻，上面一層厚厚的海膽，非常鮮甜，而鵝肝撻都係第一次食，唔錯。是日餐湯亦可以加錢轉做龍蝦湯，我哋兩款都試咗，賣相好靚，龍蝦味十足。主食方面，我哋試咗牛柳同埋羊架，佢冇問我哋幾成熟，但係整出嚟好啱我口味，上面仲有塊鵝肝，真係好香。而鍾意食羊嘅朋友就唔好錯過呢份紐西蘭羊仔架啦，熟成㗎，肉味香濃。至於甜品，竟然有日本原隻海膽雪糕，雖然要加錢，但比起原價都真係非常抵食，咁特別嘅嘢點可以唔試吓，真係有一嚿嚿嘅海膽，非常特別。