金鷺湖

营业中

休息中

結婚紀念日同老公揸車嚟香港世外桃源😍白鷺湖Lake house，白色外觀襯拱窗框視覺上好有獨特美觀，對住湖邊飲茶食點心超級浪漫🩷 餐廳旁邊仲有間花店，剛好撞正鬱金香季節😍 裡面擺放唔少鬱金香盆栽💐我都忍唔住買咗幾粒鬱金香種子番屋企😀內外都好靚呀🩷員工服務殷勤，點心高質🥰♡雪山叉燒酥外皮甜甜地 ，口感超酥化，配搭飽滿蜜汁叉燒餡好好食！ ♡流心鵪鶉蛋燒賣平時嘅鵪鶉蛋燒賣都會鋪喺面，而家變咗流心版即刻唔同曬🤩鵪鶉蛋喺正中間被蝦肉包住，一咬開即時流出蛋漿！ ♡鮮蝦紅米腸紅米腸外皮柔軟煙靱，中間脆卜卜，包住爽彈蝦肉，三層口感層次豐富！ ♡玫瑰金蝦餃餃皮塗上金箔瞬間變得精緻奢華，蝦肉餡新鮮且非常飽滿！  ♡燕窩鮮奶蛋撻撻皮口感酥脆，充滿蛋白香，搭配燕窩盡顯奢華♡ ♡石榴牛肉球牛肉做成褔袋造型且用上湯浸住，加入馬蹄粒增添爽脆口感👍 ♡雙色馬拉糕  馬拉糕質感柔軟有彈性，味道偏甜，如果甜度減低會更易入口。