1
進入餐廳，最吸睛係天花吊滿銀色星球，加埋星空卡座勁有情調，連打開menu都係會發光，彷彿置身太空。聽住音樂享受晚餐，天花突然會有流星閃過，氣氛好浪漫，仲會定時有live band表演，同家人或情侶慶祝重要節日都值得推介。
44
ღ𝓜𝓪𝓲𝓷𝓼
⊛ 紅酒汁燴牛面頰伴法式手工薯蓉 $268
𝐵𝑟𝑎𝑖𝑠𝑒𝑑 𝑏𝑒𝑒𝑓 𝑐ℎ𝑒𝑒𝑘
牛舌爽嫩，牛面頰炆得好軟腍，啫喱狀嘅筋位充滿膠質，完全唔覺肥膩，紅酒汁香濃帶微酸，薯蓉打得好香滑，裏面仲加咗粒粒粟米，伴碟有一件烤薯，入口先發現原來係一層層，外脆內軟。
⊛ 即刨意大利黑松露牛肝菌燉意大利飯 $198
𝑃𝑜𝑟𝑐𝑖𝑛𝑖 𝑡𝑎𝑟𝑡𝑢𝑓𝑜 𝑟𝑖𝑠𝑜𝑡𝑡𝑜
一上枱已經聞到陣陣黑松露香氣，見到一片片黑松露放面感覺矜貴晒，燉飯吸收咗黑松露醬汁好香濃，軟硬度剛好，口感濕潤，混和牛肝菌粒粒好有咬口，完全唔覺得呢個飯係素菜。
ღ𝑴𝒐𝒄𝒌𝒕𝒂𝒊𝒍𝒔
⊛ 𝐴𝑢𝑟𝑜𝑟𝑎 $98
(𝐺𝑟𝑒𝑒𝑛 𝑎𝑝𝑝𝑙𝑒, 𝑃𝑖𝑛𝑒𝑎𝑝𝑝𝑙𝑒, 𝑙𝑖𝑚𝑒, 𝑆𝑜𝑑𝑎 𝑤𝑎𝑡𝑒𝑟)
叫做極光，如其名顏色搶眼發光，杯面放咗一片菠蘿乾裝飾，菠蘿汁酸甜，淡淡青蘋果香味，加埋青檸汁同有汽梳打，好清爽。
ღ𝑫𝒆𝒔𝒔𝒆𝒓𝒕
⊛ 星座蛋糕 $148
𝑀𝑦 𝑠𝑖𝑔𝑛
呢款蛋糕係需要提前預訂嘅，仲可以幫你喺朱古力牌上寫字，上枱一刻已經覺得好窩心，店員安排煙霧效果再點起火，喺昏暗中，火光好似熔岩咁慢慢燃燒開去，浪漫氣氛正到「嘩」咗一聲。打開一個黑色星球盅，見到藍色星空鏡面蛋糕，造型滿分，襯晒餐廳主題，要打卡就要及時。店員好貼心主動幫忙影合照，仲好專業咁打晒燈，真係超有儀式感。黑朱古力Mousse味濃郁又低甜，配雜莓酸酸地嘅感覺，味道層次豐富，好睇又好味，仲會送上賀卡及禮券，慶祝節日必點推介。
#Starò
地址：尖沙咀諾士佛臺1號9樓
