影片
更多
2018-06-20
2789 浏览
見O先生今年成日OT，工作辛苦，作為人妻既我決定以美食慰勞O先生本年既傑出人夫表現。既然O先生星期六生日，我就揀間遠離市區煩囂，有浪漫海景，又有情調既有星餐廳試下。我事先網上訂左枱同request左喺dessert 度寫birthday message。Email好快收到回覆。地點好似有d隔涉但其實唔難去，搭公共交通既話，搭40號小巴（佢係24小時服務既，所以走都有車返）喺淺水灣落車沿沙灘一直行到尾行入商場再到尾搭𨋢到2/F就到。我book左7pm，因為網上提到dinner用餐時間大概要2.5hrs，事實都真係食到9:30pm。Dinner有8個course同5個course揀，分別係8個course會多左前菜同dessert, 因為價錢上唔係差好多所以我地揀左食8個course。第一道前菜口感好有驚喜，每道菜都切合餐廳ocean主題，賣相都好靚不過唔知點解幾乎每碟都有喬麥做配搭，估唔到既係普通到就咁喬麥配佢地自製既麵包加seaweed butter食又幾清新好味😋。佢既signature dish Ocean breeze 我同O先生都覺得咸左d，碟紅菜頭汁配蝦我反而幾鍾意，隻蝦好似
我book左7pm，因為網上提到dinner用餐時間大概要2.5hrs，事實都真係食到9:30pm。Dinner有8個course同5個course揀，分別係8個course會多左前菜同dessert, 因為價錢上唔係差好多所以我地揀左食8個course。
第一道前菜口感好有驚喜，每道菜都切合餐廳ocean主題，
賣相都好靚不過唔知點解幾乎每碟都有喬麥做配搭，
估唔到既係普通到就咁喬麥配佢地自製既麵包加seaweed butter食又幾清新好味😋。
佢既signature dish Ocean breeze 我同O先生都覺得咸左d，碟紅菜頭汁配蝦我反而幾鍾意，隻蝦好似用左慢煮既手法好軟熟，紅菜頭汁既甜味襯托出蝦既鮮味，係好好既配搭。
另外我自己鍾意佢碟Blue lagoon多d；
main course 既龍蝦雖然老左小小但配搭一齊食既薄脆豬肉（近耳仔）又令我加返分，
加埋d 別緻既hermes餐具，食到O先生都好開心😀😀。
最後上甜品時本來覺得第一度甜品加birthday message 有d簡單，我以為完，
點知到第二度甜品上既時候，現場pianist即場彈生日歌伴奏，職員隨即奉上甜品兼唱左幾句，連我都驚喜埋。成個用餐experience都好好，最後完餐後可以漫步沙灘咁離開，感覺完滿👍🏻。
张贴
