影片
更多
2025-06-13
128 浏览
一入到 Abbraccio，即刻俾佢個暖黃燈光映襯住嘅深木色調吸引住！成個氣氛好似高級酒吧咁，好有情調，特別係夜晚嚟酌酒談心，格外浪漫！💖 餐廳內部好闊落，牆上掛滿晒油畫，裝修真係好有特色，啲燈光又暗暗地，真係情侶約會或者朋友慶生嘅不二之選！視覺同味覺都係雙重享受！🥂高性價比晚市套餐！😍呢度主打正宗意大利菜，特別係佢哋嘅手工木烤薄餅！🔥 晚市套餐真係性價比超高！$398 有三道菜，包前菜、Pizza 或意粉，仲有甜品！如果加$100 升級做四道菜，仲可以揀肉類或海鮮，保證食到你心滿意足！💯 Starter: 自製安格斯牛肉丸 (Meatball) 🍝 呢個牛肉丸真係冇得輸，果然係招牌菜！搓得鬆化，極具肉香，帶點微微油脂，食落肉質鮮嫩多汁，仲有香草同黑椒嘅香味，真係真材實料！安格斯牛肉味超濃郁，又唔會乾身！😝 每一啖都係純正意大利風味嘅享受！個肉丸汁都超級香，充滿晒香草同茄汁嘅味道，溝埋一齊好夾個牛肉丸！我仲忍唔住拎埋佢個牛油麵包🍞（店員一嚟到就送上嘅，麵包濕潤又香👍）嚟點啲汁食，真係超級 Match！主菜推介：Gamberi 大蝦 Pizza 🦐🍕 呢個 Pizza 簡直將南意風情濃縮
高性價比晚市套餐！😍呢度主打正宗意大利菜，特別係佢哋嘅手工木烤薄餅！🔥 晚市套餐真係性價比超高！$398 有三道菜，包前菜、Pizza 或意粉，仲有甜品！如果加$100 升級做四道菜，仲可以揀肉類或海鮮，保證食到你心滿意足！💯
Starter: 自製安格斯牛肉丸 (Meatball) 🍝 呢個牛肉丸真係冇得輸，果然係招牌菜！搓得鬆化，極具肉香，帶點微微油脂，食落肉質鮮嫩多汁，仲有香草同黑椒嘅香味，真係真材實料！安格斯牛肉味超濃郁，又唔會乾身！😝 每一啖都係純正意大利風味嘅享受！個肉丸汁都超級香，充滿晒香草同茄汁嘅味道，溝埋一齊好夾個牛肉丸！我仲忍唔住拎埋佢個牛油麵包🍞（店員一嚟到就送上嘅，麵包濕潤又香👍）嚟點啲汁食，真係超級 Match！
主菜推介：Gamberi 大蝦 Pizza 🦐🍕
呢個 Pizza 簡直將南意風情濃縮晒喺上面！木烤披薩嘅餅皮薄脆，邊邊帶有焦香氣泡，就算放涼咗都仲保持到韌度！佢哋自家特製嘅番茄醬酸甜清新，食得出冇罐頭味！大蝦爽脆新鮮，最正係有水牛芝士同布拉塔雙重加持，拉絲效果超靚，伴隨住濃郁奶香，每一口都令人念念不忘！
主菜推介：煎牛柳 🥩
我哋要咗五成熟，條牛柳真係軟腍鮮嫩，肉汁香氣十足！佢哋用咗鼠尾草、迷迭香等香料烹製，用最簡單嘅方法煮出嚟，反而更能保留到牛肉本身嘅鮮味！用鐵板上枱，仲係煎緊咁嘅狀態，熱辣辣，食落好香口！
甜品：Tiramisu 🍰☕
呢個 Tiramisu 真係為成餐飯畫上完美句號！手指餅浸滿咗espresso 咖啡香，入口creamy 又鬆軟😍！面頭鋪滿厚厚嘅唂咕粉。裡面嘅馬斯卡彭芝士同忌廉打得細滑柔軟，帶有微微芝士香，而浸透咖啡嘅手指餅濕潤得嚟又滿滿咖啡香，我個人就比較喜歡佢加入咗百蘭地嘅酒精版本喇，味道更上一層樓！甜度啱啱好，層次分明，真係令人回味無窮！
张贴
