影片
更多
2022-07-31
20 浏览
天氣咁熱，今日日去友和旗艦店睇完冷氣風扇之後，到附近食晚飯，周圍行吓見一間好多人，不過還有位，環境都唔錯，一於試吓。內面氣氛唔錯，光缐少暗，有d浪漫感，見到個menu 有個二人餐，啱晒我哋懶諗嘢嘅人。凱撒沙律Parma ham 份量適中，油潤無渣，不沙律菜新鮮，有啲燕麥脆脆，少少椰絲加上多多嘅芝士絲，十分好食。意大利雲吞2個人每人3 粒，雲吞本身冇咩特別不過個醬d蕃茄好香濃加上芝士，好香，唔錯。餐湯今日嘅湯係椰菜花湯，個湯用椰菜花打碎，做得好幼滑，連平時唔係咁鍾意食椰菜花嘅男朋友都覺得呢個湯幾好味。酸奶忌廉安格斯牛柳手工闊條麵本身係封門柳，不過今日轉咗安格斯牛柳，上枱牛扒切咗件，大概七成熟，牛味都幾足，唔會嚡，個闊條麵食落幾飽，d忌廉好掛闊條麵，食落creamy ，加上蒜香味，好味。燒西班牙豬胺配薯菜另一主菜，塊豬胺燒得個外表金黃色，好香炭燒味。切入去，外脆，豬扒好厚身，少少硬身，不過入口又即化，d肉食落好入味，配菜有啲薯餅，仲有春卷，呢碟有d熱氣。Blue Ocean 有雪糕既mock tail，有3個雪糕球，配一小杯藍色有氣梳打，淋上雪糕之後，成杯變咗海加雪地咁，外觀搶眼，再加上少
內面氣氛唔錯，光缐少暗，有d浪漫感，見到個menu 有個二人餐，啱晒我哋懶諗嘢嘅人。
凱撒沙律
Parma ham 份量適中，油潤無渣，不沙律菜新鮮，有啲燕麥脆脆，少少椰絲加上多多嘅芝士絲，十分好食。
意大利雲吞
2個人每人3 粒，雲吞本身冇咩特別不過個醬d蕃茄好香濃加上芝士，好香，唔錯。
餐湯
今日嘅湯係椰菜花湯，個湯用椰菜花打碎，做得好幼滑，連平時唔係咁鍾意食椰菜花嘅男朋友都覺得呢個湯幾好味。
酸奶忌廉安格斯牛柳手工闊條麵
本身係封門柳，不過今日轉咗安格斯牛柳，上枱牛扒切咗件，大概七成熟，牛味都幾足，唔會嚡，個闊條麵食落幾飽，d忌廉好掛闊條麵，食落creamy ，加上蒜香味，好味。
燒西班牙豬胺配薯菜
另一主菜，塊豬胺燒得個外表金黃色，好香炭燒味。切入去，外脆，豬扒好厚身，少少硬身，不過入口又即化，d肉食落好入味，配菜有啲薯餅，仲有春卷，呢碟有d熱氣。
Blue Ocean
有雪糕既mock tail，有3個雪糕球，配一小杯藍色有氣梳打，淋上雪糕之後，成杯變咗海加雪地咁，外觀搶眼，再加上少少乾玫瑰花瓣，勁靚，打卡一流，呢個飲品其實可以當一個甜品咁食。
紫薯牛奶
少女夢幻嘅粉紫色，牛奶味極香濃，紫薯比例相對比較少，牛奶控必愛，如果大杯d就更好啦。
整體上我覺得還不錯，主菜係好味的，價錢亦合理，氣氛唔錯，好適合情侶約會拍拖。
张贴
