白宮咖啡室 (已結業)

今日一個人黎荃灣探朋友，中午同佢食完飯上左佢屋企坐下，傾傾下就到夜晚。唔想阻住人地全家食飯，晚餐我到荃灣區食個晚餐啦！有間cafe位於車房附近，環境都算大，裝修和燈光配合都好浪漫。牆上掛上唔同畫和擺設。我叫左個三文魚白汁意粉。賣相相當吸引呀！三文魚花的確令人滿意，意粉彈牙掛上豐富白汁，醬汁香膩濃郁唔會水汪汪，收水時間控制得好好。三文魚籽香甜夠爆汁，意粉煮得好惹味。三文魚咸香肥美。我叫左杯朱古力咖啡。可可味唔會蓋過咖啡味，入口唔會太甜。