影片
更多
2018-07-12
54 浏览
👑好朋友🎊生日，佢鐘意食泰國菜，所以就上網搜查一下邊間又正又靚又適合慶祝既餐廳。俾我搵到一間泰國出名，仲標榜為宮廷餐廳又多人去食既藍象餐廳， 係尖沙咀有分店！！大家都好期待呢餐呀！😀餐廳位好方便，就係海港城入面！知道一定多人食，我就一早book定枱了！🤗餐廳以藍色為主，裝潢好高尚華麗！環境暗暗地，好浪漫有情調，好合適情侶朋友談心暢談。最令人驚喜係竟然可以望住維港靚景，享受晚餐！太美麗喇！！😍（發現到亮點？！！點解佢地三個會係度出現？好笑）一坐低已經急不及待點菜！！菜式款類好多，樣樣都好吸引，很難選擇！！還是給壽星女發辦好了！😂😂先來個小食拼盤😉見個menu賣相好靚，所以叫下！用左個好似個” 新年全盒” 咁既紅色木盒上菜，好有宮廷feel。有5款小食：蝦餅， 沙嗲雞串，豬肉串，脆皮青咖喱黃金包，馬可🍡佢仲配埋兩個醬俾我地，沙嗲醬同辣醬個炸蝦餅🍤炸得好脆，個蝦好彈牙爽口，蝦肉多。再沾少少沙嗲醬更惹味！沙嗲雞肉串同豬肉串都燒得不錯，肉質夠嫩，不會話好乾身！賣相趣緻既黃金包，好似福袋咁。外皮脆，咬落有青咖喱既醬，又幾特別。馬可，這個名字很特別。 菠蘿上面放有一粒梅的東西。一啖食，味道酸酸甜甜，
俾我搵到一間泰國出名，仲標榜為宮廷餐廳又多人去食既藍象餐廳， 係尖沙咀有分店！！大家都好期待呢餐呀！😀
餐廳位好方便，就係海港城入面！知道一定多人食，我就一早book定枱了！🤗
餐廳以藍色為主，裝潢好高尚華麗！環境暗暗地，好浪漫有情調，好合適情侶朋友談心暢談。
最令人驚喜係竟然可以望住維港靚景，享受晚餐！太美麗喇！！😍
（發現到亮點？！！點解佢地三個會係度出現？好笑）
一坐低已經急不及待點菜！！菜式款類好多，樣樣都好吸引，很難選擇！！還是給壽星女發辦好了！😂😂
先來個小食拼盤😉見個menu賣相好靚，所以叫下！
用左個好似個” 新年全盒” 咁既紅色木盒上菜，好有宮廷feel。
有5款小食：蝦餅， 沙嗲雞串，豬肉串，脆皮青咖喱黃金包，馬可🍡
佢仲配埋兩個醬俾我地，沙嗲醬同辣醬
個炸蝦餅🍤炸得好脆，個蝦好彈牙爽口，蝦肉多。
再沾少少沙嗲醬更惹味！
沙嗲雞肉串同豬肉串都燒得不錯，肉質夠嫩，不會話好乾身！
賣相趣緻既黃金包，好似福袋咁。外皮脆，咬落有青咖喱既醬，又幾特別。
馬可，這個名字很特別。 菠蘿上面放有一粒梅的東西。一啖食，味道酸酸甜甜，菠蘿很清甜。唔錯！☺
食泰國菜，我們都好喜歡叫生菜包，可以話次次都會叫！
呢度既生菜包同平時食既味道不一樣。
先說說用黎包住肉碎的生菜，同平時食既質素更好！
形狀似個碗咁，包肉碎就更方便更容易！
食落個塊菜好新鮮多水份，咬落很清爽！
我地揀左豬肉碎，有少少辣味，而且味道仲帶有dd甜味，不是平時食到個d得個鹹味。幾好味！😋
再叫左個：雞肉蝦醬芒果炒飯🍛
起初我們都很大鄉里，以為上錯了給我們。因為都看不見有芒果。
原來佢地用左泰國綠色芒果！🤣
有四隻大大隻既蝦，雞肉，蠟肉，肉鬆，蛋絲，蝦乾，非常足料！然後將所有材料撈匀。
由於用蝦醬炒成，味道夠香，食落幾惹味！
每啖飯都有唔同既配料，口感豐富。😋😋
食到大家都好飽，但大家個胃仲有個甜品區，當然要叫個芒果糯米飯啦！🤣🤣
糯米飯已經分好一舊舊，有紅糯米同白糯米兩款。個底仲有一塊芒果。可以一啖放入口中相當方便！
d芒果仲係泰國芒果黎，食落芒果味更香濃。
仲有個朱古力呍呢嗱雪糕球🍧,食完相當滿足！😊
张贴
