Cozy Corner (已結業)

最近覺得自己燥燥地就快爆煲咁，所以有個任性嘅要求，就係食西餐啦（笑）。星期六差不多五點幾先放工，身心疲憊，一邊做野一邊已經諗好放工要去食西餐享受一下，哈哈。最後男友俾咗幾個選擇我，我就選擇呢間Cozy Corner。我係俾佢既粉藍色屋型外觀設計吸引，好夢幻喔。藍色的餐巾，浪漫帶點可愛。可能仲早，未有人，但就好多人係出面捉精靈，寧靜浪漫氣氛。丨我哋無叫二人餐，叫咗兩款主菜再加錢upgrade有沙律、甜品同飲品。橙沙律，沙律菜新鮮配埋果味醋，好清新，加埋橙口感一流。車厘茄意粉，好多好大粒車厘茄呀，好鮮甜，意粉軟硬適中，醬汁少少甜。三文魚扒，賣相靚，加分加分。三文魚外脆內軟，配上獨特醬汁，更加提升魚嘅鮮味。Blueberry cheese cake，好食呀，如果大件少少就加更完美。最後來杯熱古古力作終結，回味無窮。提提大家，即場like佢地嘅FB加share有九五折喔。