Darci by Aldou (已結業)

今日黎到元朗搵朋友行下街睇戲，晚餐就喺雞地附近搵到間睇落去都幾精緻嘅西餐廳食飯。依間餐廳喺外面睇起黎好優雅，裝修精緻環境好舒服。我地黎果陣未夠7點，所以都唔使排隊。原來依間餐廳主打西式食品融合東南亞嘅菜色, 不論食物的味道和環境, 都令人有耳目一新嘅感覺。晚餐我地選擇一款燒虎蝦咸蛋黃忌廉意大利飯。依款意大利飯竟然混合咗東南亞口味嘅咸蛋黃來制作。咸蛋黃香汽完全融入咗個意大利飯到，食落香味四溢，惹味開胃但唔會覺得咸。兩隻大虎蝦份量亦足，香煎之後肉質彈牙，非常滿足。另一款香茅燒春雞，雖然話係燒春雞，但其實份量都好大隻。隻燒雞火喉岩岩好，食落雞肉唔覺得鞋口，亦有濃濃嘅燒雞嘅香氣，食落口齒頰留香，而且配上佢獨特嘅沙嗲醬汁，好味道！好開心可以食到一餐滿意嘅晚餐，餐牌上面仲有好多選擇，有機會會再黎試下！