拉麵天王

营业中

休息中

睇到openrice好多like，個名又勁，叫拉麵天王，所以就黎食，點知食完非常失望。總共有白、赤、黑同限定天王四款拉麵可以揀。我鐘意黑蒜，所以揀左黑天王。另外加多粒玉子。另加個粒玉子分開先上，好似有少少多餘...碗麵黎到賣相好好，但無咩香味，食左一啖就知慘啦，個湯好淡，蒜味都好淡，明明要正常普通口味，點知變淡如無味，完全感受唔到有黑蒜，得層黑色油。💔 叉燒仲慘，薄到好似紙咁。麵一陣梘水味，呢樣係我最怕😰 玉子好食但凍冰冰芝士年糕都好多人推介，我都有嗌。個芝士年糕算叫做補償返少少 對個拉麵既極度失望。芝士味香濃，外脆內軟煙煙韌韌，算唔錯。