影片
更多
2009-10-18
6 浏览
今日放假,話荃灣力生新開個間"浦和日本料理"放題好正..所以同媽咪決定去試 !!!前身江戶前的位置, 已經變左浦和lu..由於訂位既關係,都唔使等 ~~入到去安排坐二人枱...不過d人送野食比我地入面張枱個時就成日要媽咪起身..!大佬 ~~下下起身仲得點既 !?好彩立即有人幫我地換位..不過食餐飯, 其實都食到一肚氣...下次真係咪搞!好喇,點野食先...佢地冇紙比人tick,要用口講佢地落單....我就覺得唔太方便...邊記得咁多!?最尾反而我地要用筆mark低d number先落單..另外,出面有沙律bar,甜品bar,雪糕同汽水任拎....沙律bar：真係得三種野揀架ja , 就係蕃茄仔,生菜同粟米..後期連生菜都冇埋又冇人補...咁都叫沙律bar..甜品bar：有幾款甜品揀..但數量唔多, 次次一出就要衝埋去拎,搶咁款, 根本唔夠分 !雪糕同汽水bar：呢個就正常d ,不過佢個芒果橙汁竟然冇味囉 !!差 !!飲返汽水算 !到落order時, d侍應禮貌係唔錯架..話幫我地上左隻刺身船先..船!!? 等左幾個字, 呢架竟然係所謂既船..........希靈魚,媽咪話好酸又腥腥地.
所以同媽咪決定去試 !!!前身江戶前的位置, 已經變左浦和lu..
由於訂位既關係,都唔使等 ~~入到去安排坐二人枱...
不過d人送野食比我地入面張枱個時就成日要媽咪起身..!
大佬 ~~下下起身仲得點既 !?好彩立即有人幫我地換位..
不過食餐飯, 其實都食到一肚氣...下次真係咪搞!
好喇,點野食先...佢地冇紙比人tick,要用口講佢地落單....
我就覺得唔太方便...邊記得咁多!?最尾反而我地要用筆mark低d number先落單..
另外,出面有沙律bar,甜品bar,雪糕同汽水任拎....
沙律bar：真係得三種野揀架ja , 就係蕃茄仔,生菜同粟米..後期連生菜都冇埋又冇人補...咁都叫沙律bar..
甜品bar：有幾款甜品揀..但數量唔多, 次次一出就要衝埋去拎,搶咁款, 根本唔夠分 !
雪糕同汽水bar：呢個就正常d ,不過佢個芒果橙汁竟然冇味囉 !!差 !!飲返汽水算 !
到落order時, d侍應禮貌係唔錯架..話幫我地上左隻刺身船先..
船!!? 等左幾個字, 呢架竟然係所謂既船..........
希靈魚,媽咪話好酸又腥腥地....
-軟殼蟹手卷 ,普通料 ~~一黎到塊紫菜都已經淋晒..軟殼蟹都係凍的
-花之戀普通料, 同出面十蚊兩件既差唔多
-甜蛋壽司 ..d壽司飯真係好唔得, 冇醋香之餘仲散修修..陰公 !!
連我地後面個枱都不停講d壽司好難食 !!!
-香芒蟹子壽司：感覺好清新，唔錯 !!幾好味
-炸蠔, 媽咪話唔錯~~
-炸豆腐：熱辣辣的炸豆腐，配日本豉油～好味
-蒜香三文魚：ｄ炸蒜蓉太多好苦...
-雞骨腸：好味又香～食落好有bbq的感覺
-鹽燒豬頸肉串：叫左３round先黎得一串....好陰公...又唔係好味過人..唉
-燒秋刀魚：媽咪話好腥...
-炸鱈魚條：熱辣辣幾好味, 好彩d魚肉唔腥姐
-咖哩牛肉飯：咖哩汁幾惹味唔錯 !!
-芝麻豆沙球：熱辣辣好味
-牛奶布甸：呢個好滑幾好味呢, 媽咪一見人拎出黎即刻出去先拎到兩個ja..
仲有樣勁不滿既係，呢間野有樣特別之處係炸天婦羅蝦要親自出去拎 !!因為佢係即刻炸既..
但係成間店咁多客人排, 等一輪要3個字先得１２條...夠幾多個人分呢？
媽咪出去排左三輪都未到佢 !!前面仲有好多人排緊..
食條炸蝦都要咁辛苦有冇搞錯丫？ 好..一於霸食
總括黎講，呢間野好唔得...漏單漏得好勁 !!!定根本想泵波鐘丫?
好多枱既人個個都係度吹單....佢限時２個鐘又黎得咁慢，真係勁唔掂囉.....
雖然d侍應幾好禮貌,但禮貌好有咩用...我係黎食野唔係食禮貌囉..
再唔改善既話劣評一定愈黎愈多!!!
张贴
