秋田浜燒食堂 (已搬遷) 新店位置

近年冒起食浜燒，自己未試過，趁機約朋友一起來。獨特而又有氣氛的佈置，內設酒吧區，面積好大，前身是中菜。有好玩推廣，一手拿到幾多就有幾多免費赤蝦，我一手取了近半！刺身級別，有六七隻，正呀！北海道漁港套餐（二人前）已經包括招牌海鮮，無必要散點，而生猛海鮮係在游水魚缸拿出來的。套餐包括三款前菜，華美燻雞刺身沙律最特別，未食過生雞，日本人真係鐘意食生野，口感幾特別，少少爽，軟熟及冰涼的。大阪爆汁辛辣腸燒係已經好香，勁辣爆汁，鹹味重手。最好食係清酒昆布大蜆煮，湯特別鮮甜，有一種不同的甜味。來自北海道的海鮮非常大隻，扇貝有個手機咁大。起蓋見肉都好肥美。需拿到廚師加工，用清酒鰹點汁煮，又鮮又美味。鮑魚燒的時候，肌肉還在郁，神經線反應！招牌蟹味噌甲羅燒，混合松葉蟹肉、蟹子、蟹膏及蛋，勁肥美，真是魔鬼！呢度的茶漬飯，材料特別多，而且口感脆，優勝過其他地方。豐富夠飽，值呢個價。