大門食堂 (已結業)

之前大門食堂做緣屋限定, 大食妹就約埋朋友仔一齊去食<辣味味噌濃湯拉麵加叉燒>天氣開始凍, 大食妹又開始嗜辣, 但由於腸胃唔係咁好, 所以都係嗌咗個普通辣睇圖見到叉燒嘅份量唔係好多, 所以再加多份叉燒麵底有得揀硬度, 好體貼呢大食妹就揀咗個普通硬, 緣屋嘅麪底係粗身拉麵, 普通硬度咬落都幾彈牙而辣味嘅湯底就好野味同暖胃, 冬天食一級棒<味噌叉燒蝦濃湯拉麵>朋友仔就揀咗個味噌湯底, 相對辣味, 普通嘅味噌湯底反而冇咁出色, 可能係大食妹偏好重口味但呢碗味噌拉麵有成五嚿叉燒, 而且入口即溶, 適合一眾嘅食肉獸<乳酪蝦多士>另外我哋仲嗌咗一啲小食, 乳酪蝦多士同港式蝦多士冇乜分別, 最主要係面頭加咗greek yogurt<緣屋炸蝦雲吞>呢份炸雲吞好酥脆呢