新陶園海鮮酒家

識食，一定係以流浮山海鮮店煮海鮮既技藝，配自己既自來海鮮。

1

上湯龍蝦伊面底

上湯龍蝦伊面底廚師十分識做，見我啲龍蝦咁新鮮，所以有幫我走油；龍蝦既鮮味保留返哂係啲汁道。上湯汁做得好好，唔會太咸，但又足以帶出龍蝦既鮮味。

鮑汁炆鮮鮑

不得不讚新陶園處理海鮮既方法，啲鮑魚洗到白白淨！以鮑魚汁炆鮮鮑，鮑汁唔會太濃味，清清地，卻有效吊出鮑魚既鮮味；但如果咸返少少就更和味。

蒜蓉粉絲蒸扇貝

呢碟蒜蓉粉絲蒸扇貝都唔錯，粉絲份量適中，蒜蓉唔會overpowering。食帶子最怕煮得太老，但呢間店既扇貝既生熟程度控制得啱啱好，肉質鮮嫩！