蝦蝦燒 (已結業)

想試左流水蝦好耐架啦，終於有機會去啦😄 呢間荃灣嘅流水蝦放題，除有有得任食流水蝦之餘，仲有好多款海鮮都係任攞任食，晚巿任食2.5小時價錢$358+10%，價錢公道而且時間充裕😇每枱隔離都有個長水缸養住新鮮嘅大頭蝦，一坐低店員會教夾起左蝦之後放入冰水浸暈d蝦，咁燒嗰時就唔會扎扎跳咁麻煩🤣 食左一round之後發現有d蝦蝦頭係爆膏，所以夾之前留意下蝦頭係咪呈橙黃色，咁就通常有膏架啦😎 由於蝦係即夾即燒，所以非常新鮮，店員都會經常添蝦同拎走d唔生猛嘅，所以食到最後都有大把蝦比你夾👍🏼除左蝦之外就梗係要燒海鮮，有大蜆，鮑魚，魷魚，螺仔，扇貝，帶子，2款魚等比你慢慢揀，我個人就鍾意食扇貝，有心思嘅你仲可以喺放題吧度加牛油蒜茸粉絲一齊燒🤣肉類同蔬菜方便都有幾十款選擇，有d係預先調味有d係無嘅，無調味嘅你可以用每枱都有嘅味粉自己調味，味粉當然首選我最愛嘅孜然粉，愛辣嘅朋友可以配埋辣粉，就同四川重慶燒烤一樣啦😌食到最後仲可以燒waffle做甜品，自助吧有各款雪糕同有香蕉，原來係比你自製香蕉船🤣🤣 又幾得意！