燒蝦蝦 (金福閣） (已結業)

食流水蝦午市放題，人均消費連加一$298，任食生猛海鮮2.5小時，另外燒窩夫配雪糕食都一流，食流水蝦真係又有得挽又有得食。流水蝦放題（單點$298），大頭蝦肉質彈牙，蝦膏偏多。鮑魚、帶子、貴妃蚌、生蠔、東風螺、沙白、大蜆、魷魚、馬友、大眼雞（跟餐$0），各款海鮮都好新鮮，味道鮮甜；鮑魚肉質厚肉，好生猛；其他海鮮都好肥美。燒烤配料（跟餐$0），雞翼必食，食落肉嫩多汁；雞軟骨口感爽脆，配以孜然粉食用，食落好惹味；燒窩夫口感外香脆內鬆軟，配以雪糕食用，冰火交融。甜品（跟餐$0），有好多唔同雪糕、雪條，甜品櫃嘅甜品當中，我就幾鍾意泡芙。飲品（跟餐$0），包括有生啤、花茶、啤酒、汽水。