原の味 (已結業)

呢一日，去麼地道附近見客，同事帶左去一間混合西式與日式烹調的餐廳 - Naked食午飯。睇左餐牌一陣，揀左惹味香口流心芝士吉列雞漢堡Cheesy Chicken Katsu Burger w/ Mentaiko & Sweet Chili Sauce on side。不久，侍應送上餐來。食物全放係一大塊木版上，除左主菜流心芝士吉列雞漢堡，仲有脆炸蓮藕片，以及沙律菜。流心芝士吉列雞漢堡中的漢堡，中間夾住一大件厚切流心芝士吉列雞，咬下去外層酥脆內裏滑嫩多汁且芝味無窮，配上洋蓖、椰菜絲和醬汁等，十分惹味。最特別的地方，係漢堡中間插有一枝裝有醬汁的針筒。客人食包時，先把醬汁唧出，咁先可以保持吉列雞的香脆度。蓮藕片炸得十分酥脆香口，點上醬汁伴吃，叫人忍不住一口接一口吃個不停。漢堡和蓮藕片始終係油炸之物，不免油膩。因此，套餐配有清爽的沙律菜，可稍稍起中和之用。