千樂燒味餐室 (已結業)

其實有善心贊助燒味飯對我哋長者嚟講係好事，不過憑票取飯後就一次比一次失望。今次夾左出嚟先發現叉燒又乾又燶又硬。以前叫開燒鵝，不過最近半年攞親就永遠只得塊皮，肉都無啖。曾經有長者亦有同我分享話貴妃雞得排骨，味道就係鹽焗雞，咸到食唔到。可能對於其他食客嚟講千樂好好食，但係我哋長者就唔係囉。希望佢哋可以好好改進，對普通食客同我哋呢d長者既贊助飯一樣，一視同仁，唔好破壞自己招牌，亦唔好再令到善心捐贈者同受惠者失望。