大欖串燒 (已結業)

一段時間冇食串燒，心血來潮放工即刻捉埋附近返工嘅朋友一齊食晚餐🙌估唔到近近地就有間燒肉店～地方大，環境乾淨舒適，仲要唔貴👍餐廳以活海鮮套餐+串燒燒烤放題形式，有分幾種級別消費～🔸高級活海鮮套餐🔸 （蟶子、鮑魚、扇貝、蠔、蝦、沙白）海鮮好新鮮😍燒嘅時候可以按個人喜好加不同調味料～我鐘意加蒜蓉同牛油🤤咁多樣海鮮之中，最正係扇貝同沙白，扇貝燒完仲好嫩滑鮮甜😳沙白唔駛落任何調味已經好好食😋🔸串燒燒烤放題🔸呢度有逾五十款串燒選擇，豬、雞、牛、羊、魚，用唔同醃料醃好晒✨推薦韓式甜辣雞肉串，又甜又辣好惹味👍咸牛脷串亦非常出色，厚薄適中，燒完咬落好軟嫩，好味到食完再encore多串🤤除左肉類串燒，丸類同蔬菜類選擇都唔少，一定要試下秘制蒜蓉金菇杯，好惹味，估佢唔出落左咩調味料，果然係秘制😆🔸熟食、小食、甜品、飲品🔸除左串燒，餐廳仲有各種熟食同小食供應，例如燒茄子、韭菜同菠蘿🍍等可以用QR code落單，即叫即燒，個燒茄子一流🍆另外試左炸雪糕，外脆內冷，口感幾特別😳而甜品方面，除左有西式糕點🍰仲有西米露等糖水同生果自由配搭🍧飲品更係出乎意料多選擇，燒烤飲番幾款清潤飲品，即刻覺得冇咁熱氣🙈 燒烤最大嘅樂趣