當下 (和富道) (已結業)

覺得呢間店個名改得好好。叫做present, 當下。環境都好寧靜舒適，最啱係度嘆翻杯咖啡~ 叫咗2個午餐，跟餐會有餐包，餐湯同沙律。特別鐘意呢個大蒜薯蓉湯，好稠既薯仔湯，味道好岀色👍🏻美國安格斯肉眼牛扒 (12oz / $128) 牛扒煎得幾冧身，但仍然食到裏面既肉汁，未會煎得過乾。炭烤西班牙黑毛豬排伴薯角 ($98) 豬扒好厚身，連住條骨，睇落好吸引。店員介紹話豬扒叫8成先做到最佳口感，並且確定唔會有問題，但我最後都係都係揀咗全熟，所以食落係有少少乾，肉質比較實。但豬扒味道係幾好，整體黎講不過不失~除咗食物，呢度既咖啡都不錯，睇得之餘亦都幾好飲🤤 襯埋呢度既環境係真正既活在當下