洋蔥 (已結業)

Farewell時節雨紛紛，路上行人餓断魂。 借問食肆何處有？同事遙指洋蔥圈。人齊之後，先嚟麵包籃。聽個員工講，D麵包系廚師自己整嘅，香香軟軟，真系有D唔同。頭盤拼盤，有齊餐湯，沙律同三文魚塔塔。我D同事話個沙律竟然用黑醋做醬汁，有驚喜喎！不過我就覺得酸咗D，如果加小D黑醋，或者on side就very good喇。洋蔥湯呀！我最愛嘅洋蔥湯，可以添飲就好了！可以要多一份嗎？^_^比目魚，一般般喇，水準之內，都算滑嘅。跟埋Ｄ中東米一齊食，個感覺都幾得意。羊膝Very good，汁多肉嫩，大大塊，啖啖肉！有羊嘅鮮味但又唔太羶，份量夠！好滿足！肉眼扒，點咗個半成熟，味道都ok嘅，但可惜熟咗少少，無我預期有咁多血水，要扣小小分。甜品，女同事話唔可以錯過呢度嘅甜品拼盤。經過員工嘅介紹，原來個個拼盤都有唔同嘅甜品配搭同構圖。有心思！有誠意！我同事果然無介紹錯。