泰絕

营业中

休息中

同朋友傾開計，都係講緊食嘅嘢，佢話未試過泰國船麵，咁啱早幾日我經過尖東新文華中心，無意之中發現咗呢間餐廳Amazing Thai，呢日見得閒，咁就來啦！出邊都幾有型格，入邊似西式Bar，又播放緊啲泰文歌，真係幾amazing㗎。本來諗住嗌两個船麵嘅，但見推介的“正宗曼谷三口船麵”，咁就叫齊三様嘢，“泰斗招牌牛船河”、“泰斗招牌猪肉河”、“泰斗招牌牛腩河”，麵底有河粉/金邊粉 / 泰國蛋麵/米粉可揀；船麵湯底可揀船湯/干撈，於是乎我哋揀咗河粉，米粉嘅船湯，干撈就揀咗蛋麵，各具特色，但個人鍾意船湯多啲。除咗船麵，仲有好多特色及傳統泰式美食，有第一次食嘅“蟹肉奄列”，對於海鮮抗的我，唔使自己郁手就有啖啖蟹肉真係好好呀😋😋，串燒食得多，但牛奶串燒亦都係第一次，叫咗秘製牛奶豬肉串，好似加了牛奶，令到豬肉更加juice，值得一試。傳統嘅“馬拉盞炒通菜”，綠油油，好有胃口，啲蝦米仔令到個菜式更加香口；“芒果糯米飯”係雙色糯米，有大半個香芒和椰汁，靚麗好吃；呢度啲飲品亦都好多選擇，“雜果手打雙重檸檬綠茶”和”芒果沙冰“都非常好，仲有其他下次再試過。