影片
更多
2018-07-21
81 浏览
銅鑼灣收工突然落起大雨，唯有同同事急腳走入餐廳醫肚避雨。餐廳係原來新開無耐，裝橫走現代派新穎路線，位置都幾寬敞~見到今日嘅dinner special有得用半價$84換購泰國明爐檸檬烏頭魚，超扺😍烏頭魚嘅份量幾大條， 由於怕heat住煮會無咗啲湯， 服務員上菜嘅時候 ，仲會另外配多一碗湯，非常細心！魚嘅配料有好多：瘦肉、 紅蘿蔔絲、西芹、大蔥、薑等等，味道豐富。 湯底飲咗酸酸甜甜，濃味得黎又有種小清新，魚肉好嫩滑，肉質實而不散，而且唔多骨，啱晒我呀~😎香辣蝦醬炒飯齋睇賣相已經好加分❤雖然同跟蝦醬同泰式醬料一齊炒 ，但飯炒得唔會太濕，乾身且但幾入味！ 臘腸香得嚟又唔會太油膩，唔錯！泰式鳳爪沙律無骨鳳爪上去啖啖肉，肉質爽脆，加上泰式配料，食落香口入味，非常開胃👏🏻泰式燒牛肉好有牛味，食落唔會太韌，煮得啱啱好！馬拉盞通菜配搭馬拉盞炒，炒得好香好惹味，亦好夠火喉！而且通菜好新鮮食落莖嘅部分爽口，葉嘅部分有非常嫩！😍泰式奶茶有別於傳統嘅泰式奶茶，糖份係明顯減少 ，唔會咁甜，奶味較濃 ，而且飲落去好香滑👍🏻菜色比起傳統嘅泰國菜都係偏向無咁濃味， 健康得來又不失泰式嘅風味。最後要提一提呢度既服務員態
銅鑼灣收工突然落起大雨，唯有同同事急腳走入餐廳醫肚避雨。
餐廳係原來新開無耐，裝橫走現代派新穎路線，位置都幾寬敞~
見到今日嘅dinner special有得用半價$84換購泰國明爐檸檬烏頭魚，超扺😍
烏頭魚嘅份量幾大條， 由於怕heat住煮會無咗啲湯， 服務員上菜嘅時候 ，仲會另外配多一碗湯，非常細心！魚嘅配料有好多：瘦肉、 紅蘿蔔絲、西芹、大蔥、薑等等，味道豐富。 湯底飲咗酸酸甜甜，濃味得黎又有種小清新，魚肉好嫩滑，肉質實而不散，而且唔多骨，啱晒我呀~😎
香辣蝦醬炒飯
齋睇賣相已經好加分❤
雖然同跟蝦醬同泰式醬料一齊炒 ，但飯炒得唔會太濕，乾身且但幾入味！ 臘腸香得嚟又唔會太油膩，唔錯！
泰式鳳爪沙律
無骨鳳爪上去啖啖肉，肉質爽脆，加上泰式配料，食落香口入味，非常開胃👏🏻
泰式燒牛肉
好有牛味，食落唔會太韌，煮得啱啱好！
馬拉盞通菜
配搭馬拉盞炒，炒得好香好惹味，亦好夠火喉！而且通菜好新鮮食落莖嘅部分爽口，葉嘅部分有非常嫩！😍
泰式奶茶
有別於傳統嘅泰式奶茶，糖份係明顯減少 ，唔會咁甜，奶味較濃 ，而且飲落去好香滑👍🏻
菜色比起傳統嘅泰國菜都係偏向無咁濃味， 健康得來又不失泰式嘅風味。
最後要提一提呢度既服務員態度非常之好👏🏻👏🏻仲非常細心 ，不停為我地加水，我地有咩所需亦會即刻察覺到~
而且由於係新開嘅餐廳經理要經常走去同顧客傾計，問下我哋菜式有冇改善的地方，非常值得欣賞👍🏻
张贴
