影片
更多
2018-07-11
87 浏览
放假同女女出左海港城行街 到處都人山人海，想搵個位坐下食下抖下都難 行過呢間位於海港城3樓的泰國餐廳 藍象泰國餐廳 Blue Elephant Thai Brasserie 見佢唔太多人，下午茶都幾抵食，又靚 就走左入去坐~ 好有情調的走廊 估唔到呢度地方幾大，夠寬敞，又幽靜 (對比起出面的人山人海，呢度好似去左另一個空間~XD) 呢度仲有一排臨窗超正海景位 不過我入座時 3:30, 佢話唔再開放，所以無得坐~ (實在有點兒浪費) 除左個下午茶TEA SET, 仲有其他下午茶餐選擇~ 88蚊包飲品，呢個地段都算OK啦~ 因為名叫藍象，餐具都係以深藍色為主 白色PATTERN就......藝術既野~XD 主角來了 泰式下午茶 擺盤同相有少少出入，不過都OK既~ 由下層的咸點到中層，上層的甜點食上去 咸點以炸物為主 ，有1塊炸蝦餅切開，2隻炸蝦同一條春卷切開~ 炸物SO FAR 都唔錯，起碼係新鮮炸起，唔會油淋淋 蝦餅幾彈牙，已有調味同胡椒辣味，唔使沾醬都OK 炸蝦比較特別，成隻蝦幾大隻又幾彈牙，入面加左泰國咖喱醬，幾有風味~ 春卷餡料幾足，唔會成舊粉頭~ 中層的甜
到處都人山人海，想搵個位坐下食下抖下都難
行過呢間位於海港城3樓的泰國餐廳
藍象泰國餐廳
Blue Elephant Thai Brasserie
見佢唔太多人，下午茶都幾抵食，又靚就走左入去坐~
好有情調的走廊
估唔到呢度地方幾大，夠寬敞，又幽靜(對比起出面的人山人海，呢度好似去左另一個空間~XD)
呢度仲有一排臨窗超正海景位不過我入座時 3:30, 佢話唔再開放，所以無得坐~
(實在有點兒浪費)
除左個下午茶TEA SET, 仲有其他下午茶餐選擇~88蚊包飲品，呢個地段都算OK啦~
因為名叫藍象，餐具都係以深藍色為主白色PATTERN就......藝術既野~XD
主角來了泰式下午茶
擺盤同相有少少出入，不過都OK既~
由下層的咸點到中層，上層的甜點食上去
咸點以炸物為主 ，有1塊炸蝦餅切開，2隻炸蝦同一條春卷切開~
炸物SO FAR 都唔錯，起碼係新鮮炸起，唔會油淋淋蝦餅幾彈牙，已有調味同胡椒辣味，唔使沾醬都OK
炸蝦比較特別，成隻蝦幾大隻又幾彈牙，入面加左泰國咖喱醬，幾有風味~
春卷餡料幾足，唔會成舊粉頭~
中層的甜品好有泰國特色
成束花咁既柚子蟹肉沙律卷不過柚子同蟹肉無混埋一齊，分開的，同有少少澀，唔夠甜~
蟹肉味同沙律味都唔算突出
MA HOR, 水果為底的泰式傳統點心古時泰國習慣以Ma Hor來還願獻神
上面個粒係甜甜的，類似黑糯米的煙韌口感
以前我無食過，唔知正唔正宗，不過都幾得意既
有D甜但又唔算話甜到震，都接受到~
至於呢對比翼雙飛的點心泰國皇家宮殿蒸餃子
都係傳統泰式點心
藍色個隻加入蝶豆花，搓成紫藍色的餃子皮，造型就無得頂~
以雞肉及蝦肉做成餡料， 再以冬蔭公湯及兩款泰國羅勒調味冬蔭公味好出，酸酸辣辣的，不過餡料就比較乾身~
上網搵資料，原來尼款餃子平時會配以酸梅汁和新鮮菠蘿汁調製的餃子汁同吃但當日食TEA 就無跟汁上
個餃子皮好厚好粉，唔同中式餃皮，唔係太食得慣~
最上層的甜品看似較西式，但其實都暗藏泰式架~
呢個看似普通的朱古力我女食一啖，嘈哂同我講，辣架媽咪~@@
睇番MENU，原來，呢舊係泰式辣朱古力餅~(其實佢又唔係餅，只係一舊朱古力啦)
朱古力 70%度, 唔太甜的，但加入左辣味
幾新奇的一件事，又唔算太奇怪 (我接受到)
不過呢，因為由底食到上面，到我食個時，朱古力已有少溶了~@@
斑蘭撻
味道好有斑蘭味，女女話好好食~
不過因為中間的斑蘭糕有少少濕，到食既時候個外殼已經淋左少少~Tiramisu Cup
呢個就係好西式的一個甜品了
好似雪硬左既忌廉咁，甜度都幾高，小朋友好鐘意，我就覺得太甜~
因為幾甜，最好都係配番杯熱COFFEE餐廳用上了MOVENPICK的COFFEE，算係有驚喜~
但上枱時既咖啡彈到成個杯邊都係，感覺真係麻麻~要多多改善~
呢度環境幾好，唔太迫人又唔嘈，坐係幾舒服既不過食物質素的話最好再提高番少少
张贴
