泰金鍋

营业中

休息中

泰金鍋！嚟到呢度梗係要食火鍋啦，有三款湯底選擇，我哋就選擇咗🌟**農家土雞煲**，香噴噴嘅雞煲，雞肉又多🫶🏻！火鍋配料都係任叫，我哋就點咗澳洲產下肩胛肉眼餐同嚴選特級牛胸腹，肉質鮮嫩，想食幾多就叫幾多！🥩🥓 火鍋店亦都會按入座人數，每枱送🌟**海鮮拼盤**，有鮮蝦、鮑魚、生蠔、大蜆、扇貝等，每樣都好鮮甜。🦪🍤手機除咗可以任叫火鍋配料之外，亦都可以點一啲熟食，佢哋都係新鮮製作出來，例如有沙嗲雞肉和豬肉串、炸蝦餅、炸餃子、雞翼等等，新鮮滾熱辣出爐，最緊要夠脆！😙🍗最令我印象深刻嘅就係火鍋店自助區美食選擇超多，淨係熟食同甜品已經多到唔知數到有幾多，同普通酒店自助餐有得比😹！如果想食蔬菜、丸類等等，都可以去到自助區度攞，選擇超多🫶🏻！熟食區嗰邊有中式點心、玉子燒、燒鰻魚，亦都有東南亞美食，菠蘿炒飯、海南雞飯、炒花甲等等。🍚🍜甜品方面有中式糖水，亦都有泰式糕點，亦都有自助式，如自己製綿綿冰🍧或者自選配料椰汁涼粉，按自己嘅口味去製作🫶🏻！覺得唔夠嘅都可以任食雪糕雪條🍦！