泰讚了 (已結業)

係葵廣掃街到一半有少少口渴，自然有超多選擇，行經呢間見到有泰國特色飲品，加上有天氣又熱，就想試下有咩飲，朋友最後就揀左曼谷夜泰美蝶豆花檸檬冰茶（$26，甜度冰度固定），貪個名夠得意。一見杯野飲好搶眼，藍藍紫紫好靚，準備打卡果陣店員就問我地係咪要影相，立即比左小燈我地，話效果會靚啲，等我地影完再搖返勻杯野，好貼心。飲落夠多冰夠凍，成個人透心涼，檸檬味好fresh，茶底好似唔同一般台式飲品，有種好特別嘅回甘味，都幾得意。