影片
更多
2021-09-16
27 浏览
早排行K11購物藝術館見到商場多左好多新面孔既餐廳，而呢間位於2樓既泰式餐廳🇹🇭環境望落好green🌿又夠chill，夜晚7點零去到見到門口聚集左唔少客人等位，感覺應該唔錯就決定係度食晚餐🍴.排隊既時候先知原來餐廳設有訂座服務，無預訂既客人就要係門口排隊等候👫🏼👭🏻，當日我地等左大約15分鐘入座🪑唔算好耐，如果大家要食呢間餐廳記得提前訂座咁就唔洗等呀😊.係menu上得知呢間餐廳係以Thai Western Cafe為概念，將亞泰料理融合西方餐飲，主打傳統泰菜同摩登泰西fusion菜式，所以佢地部分菜式例如係豬頸肉配檸檬蕃茄醬、青咖哩帶子蟹肉意大利粉同芒果椰汁糯米希臘乳酪軟雪糕芭菲等係揉合左泰式同西式，可以話係夠創新得黎又不失傳統，別具特色🌟******************************✨阿閒泰秘製三式串燒🍢 (6串) ($148)大多數串燒都係雞肉、豬肉同牛肉呢個組合，餐廳呢度就以羊肉🐑取代牛肉🐂，口感上同牛肉相似，加上食落唔膻，如果唔係睇過menu知道有羊肉串真係會以為自己食左既係牛肉🙈串燒帶有濃郁香茅味，醬汁係餐廳自行調配，有d似泰式酸辣汁帶有少少辣🌶，食到最後我地更
早排行K11購物藝術館見到商場多左好多新面孔既餐廳，而呢間位於2樓既泰式餐廳🇹🇭環境望落好green🌿又夠chill，夜晚7點零去到見到門口聚集左唔少客人等位，感覺應該唔錯就決定係度食晚餐🍴
.
排隊既時候先知原來餐廳設有訂座服務，無預訂既客人就要係門口排隊等候👫🏼👭🏻，當日我地等左大約15分鐘入座🪑唔算好耐，如果大家要食呢間餐廳記得提前訂座咁就唔洗等呀😊
.
係menu上得知呢間餐廳係以Thai Western Cafe為概念，將亞泰料理融合西方餐飲，主打傳統泰菜同摩登泰西fusion菜式，所以佢地部分菜式例如係豬頸肉配檸檬蕃茄醬、青咖哩帶子蟹肉意大利粉同芒果椰汁糯米希臘乳酪軟雪糕芭菲等係揉合左泰式同西式，可以話係夠創新得黎又不失傳統，別具特色🌟
******************************
✨阿閒泰秘製三式串燒🍢 (6串) ($148)
大多數串燒都係雞肉、豬肉同牛肉呢個組合，餐廳呢度就以羊肉🐑取代牛肉🐂，口感上同牛肉相似，加上食落唔膻，如果唔係睇過menu知道有羊肉串真係會以為自己食左既係牛肉🙈
串燒帶有濃郁香茅味，醬汁係餐廳自行調配，有d似泰式酸辣汁帶有少少辣🌶，食到最後我地更加將醬汁淋落旁邊既木瓜絲同紅蘿蔔絲上面變成一小份泰式青木瓜沙律🥗咁，好有泰式風味😆
-
✨阿閒泰秘製滷豬手🐷 ($98)
豬手並唔似中式烹調咁炆到好腍，脂肪層同豬皮5:5比例食多幾件都唔會覺得油膩，而且豬皮口感煙韌👅
個人認為溏心蛋🥚既蛋黃應該要有如蜜糖🍯一樣咁黏先好食，而呢度溏心蛋既溏心效果做得唔錯，味道甜甜地，正正合符我既口味😋
-
✨慢煮手切肉眼爽彈牛丸船粉🍜 ($108)
本來想試下呢度泰西fusion既青咖哩帶子蟹肉意大利粉🍝，不過見到呢度湯麵既麵底係未曾係其他泰式餐廳見過既手造卷粉，仲要係由泰國新鮮空運直送✈️，無理由唔試下既😌
呢碗船粉既份量都幾大碗，配料有炸豬皮、豬紅、牛丸、肉眼扒、通菜同芽菜等；炸豬皮無炸魚皮咁香脆，係韌得黎而有咬口但又唔會有油溢味🙆🏻♀️
牛丸牛味濃郁夠彈牙，而牛扒🥩大約有5、6件切件，經香烤🔥後味道同西式燒牛扒無異，肉質唔鞋有嚼勁😋
至於手造卷粉其實有d似係厚身既白布烏冬捲成條狀既咁，口感似河粉而且幾有米香🌾；而個人就幾鍾意佢個湯頭清甜唔油膩，帶有d香料🌿既味道又唔會好似傳統船麵咁濃味，飲左唔少啖都無出現口渴既感覺😌
-
✨椰青滑冰🥥 ($68)
原個椰青係泰式餐廳必定有得飲既item，而呢度就將椰青水同椰汁打成冰沙🍧再倒返落椰青入面，非常澎湃💥
椰汁冰沙富有椰香🥥，冰沙打得均勻得黎又不失咬口，加上十足份量，解渴又抵飲👍🏻
-
✨泰式奶茶配自家製奶茶啫喱及奶茶雪條🧋 ($68)
飲品上桌時店員同我地講返呢杯泰式奶茶既甜味係黎自枝雪條，教我地先將旁邊既奶🥛倒入杯內再倒入泰式紅茶🫖，等到雪條半融既時候攪拌下就可以飲👌🏻
個人覺得幾有驚喜既係呢杯泰式奶茶富有泰式紅茶獨特既茶香而且唔過甜，完全改變左我對於「泰式奶茶=好甜」既印象😳
當雪條溶化之後飲品變到好似奶昔咁creamy🍦，再食埋幾粒奶茶啫喱，感覺有如食左一客甜品咁滿足🥰
-
✨楊枝金露沙冰配自家製芒果雪條🥭 ($68)
有別於平時食開既港式楊枝金露個種「甜姐姐」既味道，呢客楊枝金露冰沙有芒果味🥭得黎又帶有西柚既苦澀味，甜與苦之間既味道幾平衡⚖️，不過冰沙既碎冰就無椰青滑冰打得咁幼細，略嫌有少少影響口感🤏🏻
冰沙底再配埋枝芒果汁雪條夠晒清涼❄️，令人懷念泰國既熱辣辣☀️，唔知幾時先有得去旅行呢😣另外，冰沙入面仲有d椰果條增添口感，整體黎講係幾有特色既一客甜品💗
******************************
👧🏻人均消費：$279 (另+10%服務費)
😋味道指數：3.8/5
💰抵食指數：3.5/5
🪑環境指數：3.8/5
💁🏻♀️服務指數：3.5/5
👍🏻再訪指數：3.5/5
-
📍阿閒泰
地址：尖沙咀河內道18號K11購物藝術館2樓219號舖
⏰營業時間：12:00–22:00 (Mon–Sun)
张贴
