泰妃雞 (已結業)

13-2-2009朋友食過呢度的泰式海南雞後讚不絕口, 話「拍得住跑馬地0個間咁好食」, 呢日到灣仔「下場」前由佢帶路0黎 dinner 試試.叫了海南雞飯 ($42; 跟例湯或飲品), 賣相靚絕! 海南雞已去骨, 雞皮薄薄的, 食落爽口, 雞肉就十分嫩滑, 仲有皮與肉之間的鮮甜骨膠原「0者喱」, 蘸上惹味開胃的酸辣醬汁, 勁得! 雞汁飯唔算「油」, 但粒粒分明, 乾乾爽爽有咬口, 而且夠晒香, 好食. 同跑馬地0個間 (http://www.openrice.com/restaurant/commentdetail.htm?commentid=1886287) 比, 呢度的係有過之而無不及, 算係我食過數一數二的海南雞了, 極力推介!跟餐的熱奶茶就好稀, 都係朋友的粟米紅蘿蔔豬骨例湯好飲 d. 呢度係新式茶記格局, 周圍乾淨企理, 不過冷氣勁凍, 而且可能太好生意, 坐得幾迫夾的; 伙計有求必應又幾友善, 招呼不錯.$42 一客, 抵食. 好0野, 又多間 bookmark 餐廳. 下次食鹵水豬脾!多謝朋友好介紹!