紅椒力量 (已結業)

屯門地膽吹雞叫哂東西南北d老友入屯門食泰菜聚舊食開九龍城嘅我第一次喺屯門試泰菜，先講環境：餐廳唔算超大，但坐落有空間感唔會背脊黐背脊或係咁畀水晶晶個蘿抽擦背👍👍👍👍衛生：餐具同地板無油淋淋👍👍👍食物：當日點咗d大路嘢有泰式鳳爪、併盤、海南雞、豬頸肉、串燒、冬蔭功、黃咖喱、青咖喱、海鮮炒飯、金邊粉、炒芥蘭，除咗黃咖喱鹹咗少少外，其他都同九龍城嗰d無分別，特別推薦青咖喱牛腩同冬蔭功👍👍👍👍👍。（掛住吹水影得幾張相🙏）價位：約九龍城黃XX打個8折服務：地膽訂12人枱，餐廳特別安排坐埋一邊，相信怕老友們高談闊論影響其他人，餐廳人手算充裕同跟得足，老友A跌咗筷子都未出聲已經自動送上另一雙，最緊要唔會見食完催交枱👍👍👍👍👍👍總結：可以在這舒適嘅環境以這個價位食到一餐有水準、有服務嘅泰菜，CP值相當高，唔會中伏。再加上一班老友嘅口水，就咁過咗一個開心滿足嘅晚上。