小曼谷泰國美食站

营业中

休息中

小曼谷在九龍城和元朗嘅分店均曾光顧, 近來在銅鑼灣謝斐道也開設分店, 裝修既古雅又有格調, 更設有歌手現場表演助興, 極盡視聽吃喝之娛。燒泰國牛筋丸圓碌碌幾得意, 串燒牛筋丸煙韌又彈牙。極上安格斯牛柳粒串一口厚切安格斯牛柳粒隔著紅色車厘茄, 賣相吸引, 牛柳粒牛味十足, 肉質嫩滑, 車厘茄燒烤後更覺清甜。泰式鹹肉炒芥蘭芥蘭新鮮嫩綠, 清甜又奭脆, 泰式鹹肉實肉鹹香有質感, 口感有點像中國嘅臘肉, 炒得幾好味道, 鹹度適中。蝦膏豬肉碎炒飯炒飯炒得很香口, 陣陣蝦膏鹹香撲鼻, 飯粒乾爽沾滿豬肉碎, 還有甘香蠟腸片和清香金黃炒蛋, 整個炒飯鹹香彈牙又美味。