影片
更多
2017-03-01
215 浏览
星期日同朋友在元朗行街，行完食個late lunch想豐富d, 去左阿萊嘜嘜食泰國菜。我點左最普遍會食的豬頸肉撈檬，午餐$47跟飲品，加$10 轉左泰式奶茶。豬頸肉份量我嫌太少，得5片薄片，味道則較淡，未夠入味，如果燒得再香d應該口感會爽身點。 檬粉份量足夠，爽口，不錯，撈檬的汁較失色，本應酸酸辣辣的味道，似乎是特別調較到不辣和少酸，無左食開泰國菜的酸辣味，偏甜，可能是為香港人口味而調較過的撈檬汁，所以我要問服務員攞調味架加辣加酸。泰式奶茶則完全同港式奶茶唔同，無左濃茶味，變成較甜的帶香草味，原來是因為用泰國茶葉而有所不同。朋友揀左海南雞金邊粉餐，配菜有通菜仔和豆卜，我試左舊海南雞，肉質好滑，有雞味，點埋調味醬更香更惹味，而佢都加$10轉特飲真多冰，椰汁味濃，這個餐可以一試！另一個朋友就點午餐無骨豬手配米粉$50，配菜和上面金邊粉的一樣，湯底是清淡的，喜歡食清d怕濃味可選湯粉類。特別推介無骨豬手，炆得好腍，好入味的滷水汁，豬手皮唔覺得肥，皮和肉都滑嘟嘟的，入口即溶感覺，大讚！喜歡豬手的人一定要試。點解朋友點的總是好食過自己果碗架？唔信邪，點埋小食：泰式酸辣鳳爪，大概是$87左右，實際唔
我點左最普遍會食的豬頸肉撈檬，午餐$47跟飲品，加$10 轉左泰式奶茶。豬頸肉份量我嫌太少，得5片薄片，味道則較淡，未夠入味，如果燒得再香d應該口感會爽身點。 檬粉份量足夠，爽口，不錯，撈檬的汁較失色，本應酸酸辣辣的味道，似乎是特別調較到不辣和少酸，無左食開泰國菜的酸辣味，偏甜，可能是為香港人口味而調較過的撈檬汁，所以我要問服務員攞調味架加辣加酸。泰式奶茶則完全同港式奶茶唔同，無左濃茶味，變成較甜的帶香草味，原來是因為用泰國茶葉而有所不同。
朋友揀左海南雞金邊粉餐，配菜有通菜仔和豆卜，我試左舊海南雞，肉質好滑，有雞味，點埋調味醬更香更惹味，而佢都加$10轉特飲真多冰，椰汁味濃，這個餐可以一試！
另一個朋友就點午餐無骨豬手配米粉$50，配菜和上面金邊粉的一樣，湯底是清淡的，喜歡食清d怕濃味可選湯粉類。特別推介無骨豬手，炆得好腍，好入味的滷水汁，豬手皮唔覺得肥，皮和肉都滑嘟嘟的，入口即溶感覺，大讚！喜歡豬手的人一定要試。點解朋友點的總是好食過自己果碗架？唔信邪，點埋小食：
泰式酸辣鳳爪，大概是$87左右，實際唔記得，睇落大碟，其實鳳爪唔算多，因為泰式鳳爪是要好多洋葱和配菜拌勻而成，當沙律食埋，唔知係咪我食開泰式野都慣左酸辣味強烈，呢碟鳳爪我都是略嫌不夠酸和辣，而鳳爪食落不夠入味。可能是生意太好賣得太快﹖
$88 兩隻牛油燒帶子，好香，有水準，帶子燒的時間剛好，肉質嫩滑，充滿牛油香啊！
䉀蝦一碟四支，食左先記得影相添，點酸甜醬食，更加惹味刺激味蕾。炸粉量不會厚，咬落外脆內軟，喜歡食炸野的可以試下。
另一朋友點左瞥雞脾冬陰功湯檬粉午餐，好似係$52，加左$10 飲3色冰，飲品都係超濃椰汁味，較「杰」身，冬陰功湯酸辣味剛好，超正！食開泰式野的應該都會讚，香茅味不會太強烈，港人口味一定接受到。
串燒拼盤唔記得影相添，食剩最後一粒，肉有豬，牛，雞肉等，要點埋醬汁先帶出肉香，牛肉則有點鞋口，雞和豬好味D。總的來說，冬陰功湯極推介，無骨豬手必食，午餐來說，份量算ok。
张贴
