泰邊爐 (已結業)

醬料,及用具都係泰風!除左邊爐之外, 出面仲有好多泰色小食可以任拎任食!不過有dd凍啦, 不過無計, 放出黎太耐!最重點黎啦, 料就好多既, 但同我地食開既好唔同, 例如如果想搵沙爹就可能未必有啦, 唔知大家會唔會慣, 但係試下新野都係一件好事黎!佢有好多粉料,同泰式既新醬料, 以酸辣為主既都ok多!要自己混啦~比較突出小小既係冬陰公湯底, 酸酸地幾好味,尤其係冬天食落比較暖身小小~基本既hk打開邊爐既野丸腸都係有既, 就無分咩泰式定hk,一樣味既姐~肥牛方面呢, 就比較薄身,牛味都重既, 不過就好似比較易濟,如果只食牛既話~海鮮同魚類, 鮮度都還好, 味道唔會話放太耐無晒味,放埋入冬陰公湯入面酸酸辣辣咁都正嫁!