泰金鍋

营业中

休息中

好想試泰金鍋好耐，終於8月尾嘅一個星期五同三位食友book到，地方都好大，大部分枱為全卡位或半卡位，坐得舒服也夠寬落，枱之間也有足夠距離。叫得做泰式打邊爐，有多款泰式湯底選擇，我唔想食辣，叫咗藥膳豬骨白湯鍋，藥膳味唔太重，易入口，湯底幾好。朋友叫咗冬蔭公湯鍋，香予味好足，都幾辣吓，另外有朋友叫咗椰奶雞湯，看似也不錯。我哋叫咗B餐，加理一都係三百蚊以內，抵食。飲品除咗汽水，茶外，也有泰式奶茶，龍眼水。甜品除咗雪糕雪條外，也有椰汁珍多冰自己撈。牛肉都新鮮，仲有生蝦，蜆任撈，帶小朋友去玩下幾新鮮。啲蝦有啲唔太活動嘅，建議唔好撈啦，揀活耀嘅會新鮮啲。仲有啲熱食，如焗魚，海南雞放喺出面任拎。其他小食如蝦片，鳯爪，春卷等，側可透過QR code 電話下單。