泰燒遙 (已結業)

Happy Friday 同同事黎到位於諾士佛臺嘅泰 fusion 餐廳聚餐一入到餐廳，就見到好大張海鮮bar 枱睇到都已經好興奮。海鮮種類唔算好大，不過每款都好新鮮同足磅，一陣一定要食～泰式燒什菌沙律-上枱嘅時候畀大量辣椒份量嚇親，以為會好辣，但食落口係偏酸微辣，菇菌炒得好爽口，個人喜好加泰式酸辣醬再釣一釣味香茅豬肉串-外貌似足蔗雞，不過當然係完全唔同。豬肉碎夾左香蔥，加上重重嘅香茅味，口味偏重，配合餐廳特配嘅泰鮮味醬，一流燒遙冬蔭功海鮮拼盤-份量十足，3-4人份量但6個人食都食唔唒。 上枱時係拼盤同冬蔭功湯分開上，因為拼盤下冇河粉鋪墊，所以上堂先再落湯。泰式炸豬手-最推介嘅美食，外表睇落好硬好炸，本身都驚驚地。但食落口非常香脆，絕不油膩，反而綿綿嘅肉香配上豐富嘅膠原感，令人食上癮燒雜菜拼盤-食左咁多肉同海鮮，食返個茶清新下先。材料包括竹筍，翠肉瓜，雞髀菇，冬菇同大菇包蝦，配上香醬，鮮甜多汁。甜品時間外表睇落去似足古代竹籃，分開兩層分別網有泰式甜品，椰汁羔，泰式糯米糍同泰式糖不甩。其實同港式甜品味道差不多。