Ron Mak Mak (已結業)

作係泰菜愛好者，知道大坑新開咗間泰式fusion菜，即刻去試下！一入餐廳就比紅磚色牆配玫瑰金嘅花裝飾，好有泰式feel~而餐具更係特別，以椰殼做碗真係好有心思！！lunch套餐都幾抵食， 90 幾蚊就食到！先叫咗個泰式冬陰公蝦炒飯，暫時食過最濃嘅冬陰公炒飯，而且仲可以揀辣度，即叫即製好體貼！味道好濃郁，雖然係炒飯，但感覺真係好似飲緊冬陰公咁，飯質唔會太乾身，酸酸辣辣咁，好開胃！另外，仲叫泰式炙燒穀飼牛船河，牛好嫩滑，湯底比平時嘅船河冇咁濃，反而我更鐘意😋份量超足，好抵食！最令我驚喜係椰香黃咖喱芝士短管面，短管面肥肥短短，吸滿醬汁，每條短管面都可以拉絲，芝士同黃咖喱好match，值得回頭再食☺飲品方面，泰式奶茶比平時飲嘅冇咁甜，平時好怕泰式奶茶嘅死甜，呢間完全冇，反而飲到泰味感！另一杯就係柑桔青檸梳打，味道甜甜酸酸，有啲似咸檸7😂Ron Mak Mak🐻大坑京街22號地舖