金泰園 (已結業)

入嚟屯門玩完，係時候搵食，朋友仔話好想食泰國野，我地就去食呢間金泰園。睇下食咩先，呢個二人餐好多嘢食，啱晒！泰式酸辣鳳爪，酸得來微辣，正！馬來盞炒雜菜，啲菜唔會太過火，炒得夠香有辣味。地道粉絲大蝦，用煲仔上菜，粉絲超入味，大蝦好肉地有咬口。泰特色海南雞，滑滑無骨海南雞，啖啖肉，我最愛。泰式蝦頭油炒飯，飯粒炒得好鬆，粒粒分明，有蝦香味。飲品叫咗熱龍眼蜜，有好多龍眼肉，夠甜。跟餐仲有甜品送，今日係椰汁糕，夠椰香味，底層係啫喱，唔會太甜。