篤篤船麵 (荃灣千色匯) (已結業)

千色匯商場入面不嬲都開咗好多食肆，臨近月尾又未出糧就去咗呢一間價錢相宜嘅泰國餐廳食飯。叫左泰抵食二人餐，性價比真係好高，嘢食都好多種類。咸蛋木瓜沙律&泰式生蝦木瓜沙律真係好還原泰國嘅味道，酸酸嘅醬料再配上鹹蛋嘅鹹香，真係好頂癮！泰式生蝦好新鮮肉質鮮甜彈牙，配上佢秘製嘅薄荷醬汁好清爽好Fresh。泰式海南雞海南雞雞肉好嫩滑，有蔥油辣醬同甜醬油俾你點，不過不失。秘製燒豬頸肉燒豬頸肉真係要讚吓，外層燒到有啲窿邊好香炭燒味，油脂豐富一咬落去滿口肉汁。泰式船麵船麵湯底10分濃郁，用咗好多豬骨牛骨鮮雞熬製而成，飲得出加咗香茅八角肉桂等香料。湯底煮得偏厚身，令船麵掛汁一流！冬陰功湯跟餐加多個湯只需要加$38，真係好抵飲，入邊都好足料，飲落鮮辣鹹香，暖身一流！椰子水&泰式奶茶泰式奶茶好還原泰國嘅特色，甜得來奶香十足，可以用來解辣。椰子水係支裝嘅，清清爽爽椰味香濃。