阿閒泰 (K11購物藝術館)

营业中

休息中

尖沙咀K11泰式餐廳《阿閒泰》食品種類選擇多，店內環境裝修感覺森林feel，三五知己聚一聚食番餐，傾下偈一樂也。餐牌上選擇種類唔少，前菜小吃、主食粉麵、肉類咖哩、甜品飲品......應有盡有。香茅豬肉米紙卷~表面包咗紫蘇葉，特別嘅香味，香茅豬肉鬆仲有菠蘿，多重味覺強受嘅米紙卷。泰式三文魚牛油果他他~牛油果醬香辣味道好醒胃，三文魚粒滑捋捋。泰式單骨雞翼~蛋骨雞翼容易進食，炸得香口，愈食愈滋味。泰式椰汁雞湯(一人份)~一人份量夠二人飲，椰汁又香又滑，材料豐富，好多雞肉，仲有磨菇秀珍菇。炭燒牛肉濃汁牛肉船河(卷粉)~牛肉燒得啱啱熟，牛味正！牛丸爽口彈牙，牛肉湯底味道香濃，其他配菜仲有炸豬皮、泰式炒通菜、芽菜等等，最緊要食到阿女最鍾意嘅卷粉，索滿船河湯汁，爽滑。抹茶鮮奶~勁大杯，茶味香濃，唔會太甜，大家可以慢慢飲慢慢傾。柚悠~是一個有子蜜糖特飲，可選凍，也可選熱。