Restoran SAYA

营业中

休息中

大角咀開咗間新嘅泰國菜餐廳 裝修超大超靚 啱晒打卡😍桌椅同裝飾以竹滕為主 帶有民族色彩 好有度假feel 環境真係一流就等我喺度好好享受一餐relaxing dinner🍴食物選擇都唔少㗎▪️伊善炭火燒牛肉▫️泰式青咖喱雞▪️蟹肉炒飯 食物賣相都好精緻✨每碟都用咗泰國香葉同花嚟做伴碟 再加強咗泰國風情🌺令人食慾大增 對每樣食物都好期待炭火燒牛肉熟度剛好 中間粉嫩嘅顏色勁吸引 食落去口感亦好軟稔🐂配埋阿根廷青醬 酸酸辣辣 同燒牛肉好夾店員推介我哋試吓咖喱 好味得嚟仲係最新出品 所以就揀咗青咖喱雞🐔果然冇介紹錯 咖喱煮得好香 而且好豐富 有大量蔬菜例如西蘭花/椰菜花/秋葵等等 索晒啲咖哩汁 超正🤤而雞肉亦都好嫩滑好入味 仲有兩塊烘過嘅麵包比你點咖喱汁食最後蟹肉炒飯都有意外驚喜 首先個飯炒得好好 粒粒分明 夠乾身 蟹肉份量亦都唔少🦀調味啱啱好飲品方面 有泰式特飲/cocktail 仲有啱晒夏天嘅梳打同沙冰 我哋分別揀咗泰式奶茶同埋柚子菠蘿梳打🍹唔會太甜 啱晒我哋口味