影片
更多
2021-10-07
10 浏览
普通雞煲相信大家都食得多，唔知大家有冇試過泰式雞煲呢？今次呢間舖頭係朋友仔介紹我嚟架，聽講呢間餐廳係泰國人廚師主理，裏邊除咗可以食到正宗泰國菜之外仲可以食到泰式雞煲同埋打邊爐，梗係一於去試吓！今次我哋就叫左泰式酸辣鳳爪作為前菜，另外叫咗香辣味嘅泰特色雞煲同埋一啲火鍋配料試吓！泰式酸辣鳳爪酸辣味十足，刺激下味蕾令我哋更開胃，佢嘅鳳爪冇骨方便食用，而且鳳爪本身好爽脆我同朋友都好鍾意。佢嘅飲品我覺得質素都好高，我哋叫咗香茅冰同埋龍眼冰，聽店員講呢兩款飲品都係自家製，兩款飲品唔會太甜，而且都冇重香茅同埋龍眼嘅味道，份量仲要勁大杯，CP值之選。泰特色雞煲一上枱嗰陣超級香，真係口水都流出黎！雞肉係經過香茅同埋金不換等等嘅泰式香料爆香左之後，變得超級入味濃郁，入口唔算辣，而且雞肉都唔會老，本身我同朋友唔算好肚餓嘅都差唔多清晒。係食到接近尾聲嗰陣，就可以叫店員加入雞湯打邊爐，火鍋湯底因為用咗泰式香料作為基底，所以所有嘅食材都會有微微嘅香茅香味，可以令到食材變得比較清香之餘亦都減少左肥膩感。我哋今次都係叫咗少量嘅配料包括雪花肥牛，豆卜同埋手打墨魚丸。我最推薦係佢嘅手打墨魚丸，入口超級彈牙結實，唔會好似坊
今次我哋就叫左泰式酸辣鳳爪作為前菜，另外叫咗香辣味嘅泰特色雞煲同埋一啲火鍋配料試吓！泰式酸辣鳳爪酸辣味十足，刺激下味蕾令我哋更開胃，佢嘅鳳爪冇骨方便食用，而且鳳爪本身好爽脆我同朋友都好鍾意。
佢嘅飲品我覺得質素都好高，我哋叫咗香茅冰同埋龍眼冰，聽店員講呢兩款飲品都係自家製，兩款飲品唔會太甜，而且都冇重香茅同埋龍眼嘅味道，份量仲要勁大杯，CP值之選。
泰特色雞煲一上枱嗰陣超級香，真係口水都流出黎！雞肉係經過香茅同埋金不換等等嘅泰式香料爆香左之後，變得超級入味濃郁，入口唔算辣，而且雞肉都唔會老，本身我同朋友唔算好肚餓嘅都差唔多清晒。
係食到接近尾聲嗰陣，就可以叫店員加入雞湯打邊爐，火鍋湯底因為用咗泰式香料作為基底，所以所有嘅食材都會有微微嘅香茅香味，可以令到食材變得比較清香之餘亦都減少左肥膩感。我哋今次都係叫咗少量嘅配料包括雪花肥牛，豆卜同埋手打墨魚丸。我最推薦係佢嘅手打墨魚丸，入口超級彈牙結實，唔會好似坊間咁因為粉漿太多好空虛。
最後就梗係叫返個甜品啦，佢嘅糯米飯入口暖粒粒，入口軟熟唔會好硬，椰青糕入口就比較結實，椰青水嘅味道好濃，我覺得都不錯吃㗎，大家有興趣都可以去試吓！
张贴
