小火山 (已結業)

🌋小火山三味刺身一口杯盛合三味刺身有泰式生蝦🦐，三文魚刺身🐟，仲有生蠔🦪，每款都配咗啲醬汁去提鮮，非常開胃🤤🥘香茅椰汁雞湯/小火山牛骨船湯呢兩個湯底都非常出色，香茅椰汁雞湯食落酸酸甜甜，帶有好濃嘅椰汁香味🥥；牛骨船湯味道勁香濃，牛味🐮好重。小編就比較鍾意香茅椰汁雞湯，因為比較Fresh同清爽😚🐷泰式豬梅花肉片呢個豬梅花肉片非常正。上枱賣相都幾特別，梅花肉片圍住隻蛋，食嘅時候將蛋汁沾滿梅花肉片。撈好之後燒又得，邊爐又得，淥兩下再燒又得，最重要嘅係，無論點整，梅花肉片嘅肉質都好軟淋，配埋雞蛋令到豬梅肉更香滑🤗🥩小火山經典泰豬鍋拼盤拼盤包含左4款豬肉：小火山特選北海道千歲米豚肉眼🐖、伊比利亞黑毛豬梅花肉🐗、波蘭A級無骨豬腩🐽同手切泰式豬頸肉🐷。豚肉眼口感嫩滑、梅花肉嘅肉味比較重、無骨豬腩比較肥美重油香，而豬頸肉就比較爽彈。成個拼盤你鍾意燒肉食法又得，邊爐食法又得😆小編就鍾意燒無骨豬腩同豬頸肉，另外兩款就打邊爐啦🤪雖然小編係平日去，但都喺收到風，話星期六日同假期仲會有live band添，氣氛應該都幾好架，有機會再配埋live band 試下先得🥰