泰邊爐 (已結業)

今個月姊妹聚，唔想用腦，一於食放題，今次揀左泰式邊爐放題，泰式既邊爐都比較特別，仲要任食，好期待~除左火鍋料任點，出面仲有各式熟食甜品糕點任攞任食，當中最搶手就係泰式糕點，食到中段出去已見無哂了~另外仲有炸魚皮同炸蝦片都好好味，脆卜卜~飲品選擇唔算多，但都有啤酒汽水~仲有超濃紫米露，亦係好快已被搶哂~另外仲有涼粉，清涼解喝~我地食貴d個餐，有包海鮮拼盤，有蝦有鮑魚有青口有魚等等，非常有睇頭~之後有牛，羊，泰式肉丸，手打蝦丸等等~仲有蔬菜拼盤~泰式肉丸好食，爽滑肉味濃~我地加錢揀左雙拼湯底，冬陰公酸酸辣辣仲有大量蕃茄，夠哂開胃刺激~仲有肉碎生菜包，味道正宗惹味~泰式無骨鳳爪都有~手打蝦丸爽彈~超豐富既任食泰邊爐，今晚好滿足~