影片
更多
2023-01-20
94 浏览
🌟餐廳：KIN 麵📍地址：中環皇后大道中93號中環街市地下G11號舖💰價位：～$50 - $100⏰營業時間：星期一日 11:30 - 21:30 📱電話：N/A活化後既中環街市齊集各式各樣美食，之前一直好想黎行下但係又無時間~今日終於出開黎中環可以搵埋同事黎行吓順便食LUNCH~呢幾日天氣特別凍，而我一向鍾意食熱辣辣既湯麵，所以就揀左呢一間新開既餐廳 - 「KIN麵」，歎下個lunch，暖暖胃先！「KIN麵」，取自粵語諧音 - 見面，原來最近係中環街市開設全新快閃店，岩哂三五知已一齊歎吓由亞洲各地餐飲達人及KIN Food Halls 總廚精心炮製既各款地道而且熱辣辣既經典亞洲麵食！———————————————————🌟蝦籽花膠撈麵🌟首先嗌咗呢款集合中式及港式既撈麵~麵底選用粗麵，上層加入經炆煮後濃郁又入味既花膠及冬菇，食落口感滑順，膠質好豐富！！而且粗麵更沾滿咸香既蝦籽，食落去多份咸香味，好出色！———————————————————🌟台灣有機牛肉麵🌟呢款係來自台灣既經典麵食~麵質爽口彈牙，索滿台灣牛肉麵香濃而微辣既湯底，冬天食特別暖笠笠~主角既牛肉肉質好鮮嫩鬆化，牛味濃郁，再搭
📍地址：中環皇后大道中93號中環街市地下G11號舖
💰價位：～$50 - $100
⏰營業時間：星期一日 11:30 - 21:30
📱電話：N/A
活化後既中環街市齊集各式各樣美食，之前一直好想黎行下但係又無時間~今日終於出開黎中環可以搵埋同事黎行吓順便食LUNCH~呢幾日天氣特別凍，而我一向鍾意食熱辣辣既湯麵，所以就揀左呢一間新開既餐廳 - 「KIN麵」，歎下個lunch，暖暖胃先！
「KIN麵」，取自粵語諧音 - 見面，原來最近係中環街市開設全新快閃店，岩哂三五知已一齊歎吓由亞洲各地餐飲達人及KIN Food Halls 總廚精心炮製既各款地道而且熱辣辣既經典亞洲麵食！
———————————————————
🌟蝦籽花膠撈麵🌟
首先嗌咗呢款集合中式及港式既撈麵~麵底選用粗麵，上層加入經炆煮後濃郁又入味既花膠及冬菇，食落口感滑順，膠質好豐富！！而且粗麵更沾滿咸香既蝦籽，食落去多份咸香味，好出色！
———————————————————
🌟台灣有機牛肉麵🌟
呢款係來自台灣既經典麵食~麵質爽口彈牙，索滿台灣牛肉麵香濃而微辣既湯底，冬天食特別暖笠笠~主角既牛肉肉質好鮮嫩鬆化，牛味濃郁，再搭配半隻蛋黃味香濃既糖心蛋，真係大滿足！！
———————————————————
🌟韓式人參走地雞湯叉燒麵🌟
到韓國既代表出場啦~先講個人參走地雞湯湯底，味道滿是濃郁既人參香味且濃稠，每條麵條都好掛湯~叉燒以走地雞制作而成，肉質亦好鮮嫩有彈性，好夾呢一個湯底~
———————————————————
🌟泰式辣有機牛炒河🌟
最後出場既係泰國既炒河~我就最鍾意呢一款，河粉炒得夠乾身但一啲都唔油膩~牛肉肉質仍保持緊緻而且調味好出色，味道帶點微微辣，另外可以再加上少少青檸汁，更能帶出香氣~
———————————————————
🌟本地蜂蜜和走地雞蛋撻🌟
最後到甜品出場啦！！估唔到KIN麵連新鮮出爐蛋撻都有供應！！特別用上本地蜂蜜及走地雞蛋制作既蛋漿，味道好濃郁，而且食落甜度適中！無論食完麵歎返個或者做下午茶都一流啊！！
———————————————————
😋味道：4.5/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
「KIN」 將來自 50 幾個亞洲品牌及超過 250 款精選菜餚加入到佢地既雲端食譜之中，絕對是城中數一數二既星級餐飲平台。
KIN更嚴選 8 至 10 款來自各國既經典亞洲風味麵食例如：總裁牛肉麵既台灣有機牛肉麵、Dam:a Noodle Bar既韓式人參走地雞湯叉燒麵、名廚Jason Yeoh既檳城潮州炒粿條…等等，都能一一呈現係呢間「KIN麵」！！真係超吸引！！
以後唔使周圍去幾間唔同既餐廳，黎呢間快閃店就可以輕輕鬆鬆食勻唔同風味既麵食啦：)
张贴
