黃珍珍泰國菜館 (已結業)

連續三日假期當然要周圍食下好嘢，約咗家姐去尖沙咀行街， 首先就係要食返個靚靚lunch， 想食芒果糯米飯 ，又想坐得舒舒服服， 最終揀咗喺佐敦的經典泰國菜😋 黃珍珍泰國菜館🤗🤗最鍾意呢度嘅窗邊位置，卡位又大又舒服。喺佐敦莊士敦廣場食飯其實好方便，轉個彎就係尖沙咀。 行過去美麗華只係幾分鐘✌✌今次嗌咗四樣嘢食😋😋😍香芒椰汁糯米飯😍雜錦椰汁西米糕😍雜錦串燒🍖🍗😍牛肉湯河粉🍜香芒椰汁糯米飯新鮮嘅呂宋芒🤗，最鍾意就係呢隻芒果香甜又冇渣， 酸酸甜甜。 糯米和紫米蒸得啱啱好， 煙煙靭靭有咬口😋😋。雜錦椰汁西米糕平時食開原味椰汁西米糕， 呢度椰汁糕好特別😚😚有三隻味選擇， 分別係芒果味、咖啡味☕、 原味椰汁。 三種裏面我最鍾意食芒果味， 非常濃郁香甜，西米彈牙👍👍👍雜錦串燒選擇咗牛肉同埋雞肉🍖🍗控制火候啱啱好， 表面微微炭燒香味， 肉質嫩滑😊😊 配埋沙嗲醬就更加惹味😚😚牛肉湯河粉牛肉份量不少😋😋， 而且比較健康配咗幾條生菜。 只是河粉比較散， 有點不夠厚身和不夠滑。