小火山 (已結業)

好喜歡去泰國旅行，簡直係美食天堂，難得係香港搵到泰式豬肉鍋，第一時間要訂位試試😋🔸兩款湯底$60🔹小火山牛骨船湯湯底用牛骨熬製 5 小時以上，加入十多種香料藥材調製而成。100%還原船麵湯底美味🤤🔹香茅椰汁雞湯以鮮雞熬製 3 小時，配搭椰汁及青檸，第一口試飲，奶香柔滑，香濃不膩，用嚟火鍋吸盡湯底精華，一流👍🏻🔹泰式奶綠，泰式奶茶各$38充滿泰式風情，感覺置身泰國街頭🇹🇭🔹 泰式芭拉魚露拌木瓜沙律 $78有新鮮彈牙生蝦拌以木瓜沙律，啱哂鍾意食辣嘅朋友仔，酸酸辣辣好開胃😍🔹小火山x曼谷柏拉差燒烤套餐 $328柏拉差醃泰國無激素豬肉，手切鮮豬潤，柏拉差醃牛柳，原隻鮮魷魚。多款肉類份量好足，建議先放湯半熟吸收湯底精華，再放上鐵板燒一燒，肉質口感嫩滑，亦有湯底味道，雙重享受😎💬每檯都會送上一籃大大塊蝦片，作為餐前小食，好滿足😌 我哋發現隱藏食法：為左唔浪費湯底，我哋將蝦片浸食，跟炸魚皮食法如出一轍，原來都好好食😛