盈暉海鮮酒家 (已結業)

老公今次選了喺沙田第一城銀城商場的盈暉海鮮酒家，因為佢之前公司喺呢度攪過聚會，老公食過話呢度D泰式燒乳豬好得喎！所以咪嚟呢度食試吓囉！不過呢度D招呼就真係唔係好得，初初去到時，D待應掛住睇電視，當D客好似透明咁。問佢鮮腐竹浸時蔬有乜野菜選擇，個待應話：「咁你想要咩菜吖?」我真係即時O咀，唔係應該你話我知o架咩?我點知你有咩菜呀！如果我點嗰樣無，你出去買? 我覺得咁既服務態度真係唔係好得囉！我睇番其他人對呢間酒家的食評，大部份都係不滿待應的服務態度，我諗老闆真係要注意吓喇！