泰象館

营业中

休息中

難得平日放假，LUNCH約好友去九龍城食泰國菜!今日揀左呢間泰象館，係九龍城口碑不錯，想試好耐架啦!店舖光線充足，簡單整潔，環境舒適。青芒果沙律甜中帶酸夠哂開胃，配以炸香左既花生同蝦米，口感層次豐富，啖啖爽脆。小食拼盤炸蝦餅蝦味濃郁好彈Q，炸魚餅金黃色澤口感香脆，炸春卷熱辣辣，金黃酥脆，炸雞卷油而不膩有咬口。海南雞飯雞件滑嫩多汁好有彈性，肉厚富雞味，脂肪不多。油飯色澤金黃，鬆軟可口。泰式炒金邊粉色澤鮮艷，甜、酸、辣味共冶一爐，好有風味，有豆乾、芽菜、蝦米等配料，好煙韌，味道酸甜，十分開胃。飛天通菜鑊氣十足，新鮮通菜翠綠香嫩，口感嫩滑，辣勁十足，鹹香可口。泰式黑咖啡帶甜度，味道蠻不錯。泰式紅茶味道經典，飲完透心涼。