泰金鍋

营业中

休息中

餐廳提供三款套餐，揀咗B餐（$228，另加一，120分鐘，7：30前離座）。火鍋可選一個大鍋或一人一小鍋，我哋各自揀咗叻沙、冬陰功、菇菌清湯 。叫得泰式火鍋，除咗一般火鍋配料外，當然有不少泰國嘢食，例如海南雞、烤魚、串燒、咖哩、炸物（炸蝦餅、炸蝦片、炸豬皮......）、泰式沙律、泰式飲品、泰式糕點，而最 gimmick 就係有自助活蝦夾。B餐提供嘅肉類有牛、豬、羊，而牛肉仲有幾款，安格斯牛、牛胸腹、肩胛肉眼、牛胸爽、牛舌，各款都不錯，最緊要唔會好肥（牛胸爽除外）。整體嚟講，呢餐我都幾滿意，食物上菜快，質素唔差，款式多，座位尚算寬敞。而且有120分鐘，時間充足，食得飽又有時間吹吓水。